आइतवार, अशोज ४, २०७७
Himalayan Social Journey

कोरोना संकटले गाउँले मोह बढ्दै : खोज्न थाले बाँझा जमिन

  • बिहिबार, जेष्ठ ८, २०७७

टोपलाल अर्याल
गुल्मी, ८ जेठ

गुल्मीको धुर्कोट गाउँपालिकाले लकडाउन बढ्दै गएपछि बाँझो जग्गामा खेति गर्ने व्यक्ति र सहकारीलाई अनुदानको व्यावस्था गरेपछि पिपलधाराका युवाहरु सहकारी नै गठन गरेर सामुहिक कृषि खेतीतर्फ लागेका छन् । उनीहरुले विगत १० बर्षदेखि बाँझो रहेको दुई सय ६० रोपनी जग्गामा सुन्तला र कागती खेति संगै भैसी र बाख्रा फर्म संचालन गर्ने योजना बनाएका छन् । अहिले झाडी फाँडेर खाडल खन्ने, खोर निर्माण गर्ने लगायतका काम भएको सहकारीका अध्यक्ष ज्ञानबहादुर विश्वकर्माले जानकारी दिनुभयो ।
सहकारीले १५ बर्षलाई जग्गा लिज लिएको छ । जग्गामा कुल १७ जना जग्गाधनी छन् । १५ बर्षसम्म सहकारीले कुनै पनि रकम जग्गाधनीलाई नदिने सम्झौता भएको छ । १५ बर्षपछि जस्ताको त्यस्तै जग्गाधनीलाई सहकारीले जग्गा फिर्ता गर्नेछ । दुई ६० रोपनी जग्गालाई तीन भाग अर्थात तीन प्लटमा वर्गिकरण गरिएको छ । जसमध्ये दुई सय रोपनीमा ६ हजार कागती लगाउने, ३० रोपनी जग्गामा तरकारी र मसलेदार खेती लगाइने सहकारी अध्यक्ष विश्वकर्माले बताउनुभयो । बाँकी ३० रोपनी जग्गामा ओखर खेती, गोठ तथा खोर निर्माण गरेर अहिलेलाई पाँच भैँसी र ६० बाख्रा व्यवसायीक रुपमा पाल्न सुरु गरिएको छ । उनले आगामी दिनमा फर्ममा १० भैँसी र एक सय बाख्रा पु¥याउने लक्ष्य रहेको विश्वकर्माको भनाई छ ।
यो काममले स्थानीयले काम समेत पाएका छन् । धुर्कोट गाउँपालिका २ पिपलधारा शुफ्लकी ३५ बर्षीय विष्णु विकको दैनिकी बदलिएको छ । उनलाई अचेल सिकर्मी डकर्मी बहुउदेश्यीय सहकारी संस्थाले काम दिएको छ । विक दैनिक खाडल खन्ने, झाडी सफाई गर्ने काममा व्यस्त हुनुहुन्छ । उक्त काम गरेबापत नास्ता खाएर दैनिक चारसय कमाई पनि भएको छ । सहकारी मार्फत उनले जस्तै दैनिक ४० देखि डेढ सयसम्मले काम पाएका छन् । कोरोना संक्रमणको कारण लकडाउन बढ्दै जाँदा खाद्य संकट आउने विज्ञहरुले चेतावनी दिएका छन् ।कम्पनीहरु बन्द भएपछि वैदेशिक रोजगारीमा गएकाहरु पनि घर फर्किदै छन् । जसका कारण स्थानीय तहहरुले कृषि कर्म उत्पादनलाई प्राथमिकता दिन थालेका छन् । मुसिकोट नगरपालिका वडा नं ५ आँपचौरमा बाँझो जग्गा खनेर २० हजार कफिका विरुवा लगाउने योजना अगाडी बढेको छ । जसको लागि अहिले बाँझो जग्गामा झाडी सफाईको काम भइरहेको नगरप्रमुख सोमनाथ सापकोटाले जानकारी दिए । मालिका गाउँपालिका ६ अर्जैमा ३२ रोपनी बाँझो जग्गा खनेर नगदेवाली लगाउने योजना अगाडी बढाएको छ । वडा नं ६ अर्जैस्थित रानीपोखरी कृषि बहुउदेश्यीय सहकारी संस्थाले जग्गा १५ बर्ष भाडामा लिएर प्याज, लसुन, कागती, हलेदो लगायतका नगदेबाली लगाउने योजना बनाएको छ । साथै अर्जेमानै थप एक २० रोपनी जग्गामा कागती खेती गर्नको लागि दुई हजार आठ सय खाडल तयार पारिएको वडाध्यक्ष शोभाखर गिरीले जानकारी दिए ।

धुर्कोट गाउँपालिकाले बाँझो जग्गामा सुन्तला, कागती लगायतका अन्य फलफुल खेती गरेबापत प्रति रोपनी तीन हजार र अन्नवारी तथा तरवारी वा मसलेदार खेती गरेमा प्रति रोपनी चार हजार अनुदान उपलब्ध गराउने निर्णय गरेको गाउँपालिका अध्यक्ष भुपाल पोखरेलले जानकारी दिनुभयो । मालिका गाउँपालिकाले कृषि कार्य गर्नेहरुको लागि प्रति कलस्टर ७२ हजारका दरले अनुदनको व्यवस्था गरेको छ । त्यस्तै बीउ, कम्पोष्ट मल गाउँपालिकाले निशुल्क प्रदान गर्ने र अर्को बर्षबाट बिरुवा हेरचाहको लागि प्रति बिरुवा एक सय रुपैँया अनुदान प्रदान गर्ने गाउँपालिकाका प्रमुख रित बहादुुर थापाले जानकारी दिनुभयो । मुसिकोट नगरपालिकाले जग्गा भाडामा लिएर कृषि खेती गर्नेहरुको लागि जग्गा भाडामा ७५ प्रतिशत अनुदानको व्यवस्था गरेको छ । कृषि औजार, हाते ट्याक्टर, सानो मिल, बीउ, बिरुवा लगायतका सामग्रीमा ५० प्रतिशत अनुदान प्रदान गर्ने प्रमुख प्रशासकीय अधिकृत नवराज भण्डारीले बताउनुभयो ।

0
Shares

Comments

comments

छुटाउनु भयो कि ?

...

इस्माले अलपत्र परेकाको कोठा भाडा तिर्ने : गाउँ आउने २ सर्त

टोपलाल अर्याल गुल्मी, १६ बैशाख टोपलाल अर्याल गुल्मी, १६ बैशाख इस्मा गाउँपालिकाले लकडाउनका कारण अलपत्र परेकाहरुको खाने बस्ने व्यावस्था गर्ने भएको ...

दशै तिहार विदामा पुग्नैपर्ने सत्यवती

लेखक : जितु तरामु मगर यतिवेला नेपालमा चार्डपर्वको सिजन चलिरहेको छ । शहर रित्तिने र गाउँघर भरिने यो समयमा सरकारी तथा गैर सरकारी क्षेत्रका विभिन्न संघ ...

सविधान संशोधन नभए सरकार छाड्छौः अशोक राई

सीता भण्डारी गुल्मी असोज ११, समाजवाटी पाटीका वरिष्ठ नेता अशोक कुमार राईले सविधान संशोधन नभएर सरकारलाई दिएको समर्थन फिर्ता लिने बताएका छन । सविधान ...

तपाईं को प्रतिकृया दिनु होला

Your email address will not be published. Required fields are marked *


error: Content is protected !!